காதல் யுத்தம்

• உன்னை நினைக்கும் போதெல்லாம்
  என் நினைவுகள்
  நினைவிழக்கிறது!

• உறங்கச்சென்றால்
  கண்கள்
  ஒத்துழையாமை செய்கிறது!

• உண்ணசென்றால்
  வயிறு
  உண்ணாவிரதம் மேற்கொள்கிறது!

• மூளை
  மூலைக்கு மூலை இயங்க மறுக்கிறது,
  வேளைக்கு வேளை வேலை நிறுத்தம் செய்கிறது!

• மொத்தத்தில்,
  உன்னால்
  என் உடலே கலவரமாக காட்சியளிக்கிறது!

• ஒவ்வொருமுறையும்,
  கண்ணீர் புகையை வீசியே
  இந்த கலவரத்தை அடக்குகிறேன்.

• ஆம்.
  கண்ணீரோடு
  என் நுரையீரலில் புகையை வீசியே!!!

– பிரவீன் குமார் செ